Los-Ancelesdə “Alita: Döyüş Mələyi” filminin premyerası keçirilib

08 February 2019

Elmi-fantastika janrında çəkilən  “Alita: Döyüş Mələyi” filminin Los-Ancelesdə premyerası keçirilib. Ekran işi 15 il müddətində ərsəyə gəlib.

“Alita: Döyüş Mələyi” filmininssenarisiyapon manqaka Yukito Kisironun kitabının motivləri əsasında qurulub. Onun ən məşhur işi “Döyüş mələyi Alita” adlı manqa seriyasıdır. Manqa yapon dilində yazılan komikslərdir. Film İdo adlı kibertibb mütəxəssisi tərəfindən tapılan Alitanın macəralarından bəhs edir. Yaddaşını itirən  qız əslində kim olduğunu kəşf etməyə çalışır. O, heç nə xatırlamasa da, kiborqların döyüş fəndlərinə sahib olduğunu aşkar edir və unudulan xatirələrini bərpa etməyə başlayır. Kiberpank janrında olan filmdə  rolları Roza Salazar, Kristof Valts Ed Skreyn, Cenifer Konnelli və digərləri canlandırıb. Qeyd edək ki, filmin büdcəsi təxminən 200 milyon dollar təşkil edir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti