Musiqi məktəbinin şagirdlərinin ifasında dünya bəstəkarlarının əsərləri dinlənilib

08 February 2019

Bakı Şəhər Mədəniyyət Baş İdarəsinin G.Şaroyev adına 35 nömrəli onbirillik musiqi məktəbində “Fortepiano musiqisi axşamı” adlı konsert keçirilib.

Mədəniyyət Nazirliyindən  bildirilib ki, konsertdə məktəbin fortepiano şöbəsinin şagirdləri ölkəmizlə yanaşı, dünyanın tanınmış bəstəkarlarının əsərlərini məharətlə ifa ediblər.

Şagirdləri “İpək yolu” kamera orkestri müşayiət edib. Orkestrin bədii rəhbəri və baş dirijoru, Əməkdar artist Vaxtanq İmanovdur.

Sonda məktəbin direktoru, Əməkdar müəllim Yusif Vəliyev çıxış edərək konsert barədə fikirlərini bölüşüb və tədbirin iştirakçılarına təşəkkürünü bildirib.



© 2018 Azərbaycan Televiziya və Radio Verilişləri Qapalı Səhmdar Cəmiyyəti