Bakıda dünya şöhrətli bəstəkar Motsartın əsəri səsləndiriləcək

22 January 2019

Fevralın 5-də M. Maqomayev adına Azərbaycan Dövlət Akademik Filarmoniyasında Qara Qarayev adına Azərbaycan Dövlət Kamera Orkestri konsert proqramı ilə çıxış edəcək.

Filarmoniyadan bildirilib ki, Xalq artisti Fəxrəddin Kərimovun dirijorluq edəcəyi orkestrin solistləri alt ifaçısı Rəna Rəhimova və skripka ifaçısı Rövşən Əmrahov olacaq.

Konsertdə görkəmli Avstriya bəstəkarı Volfqanq Amadey Motsartın “Simfonik konserti: Alt, skripka və orkestr üçün” əsəri ifa ediləcək.



© 2018 Azərbaycan Televiziya və Radio Verilişləri Qapalı Səhmdar Cəmiyyəti