Gənc Tamaşaçılar Teatrı Yeni ili “Qar kraliçası” ilə qarşılayacaq

27 December 2018

Hər il uşaqlar üçün rəngarəng bayram tamaşaları hazırlayan Gənc Tamaşaçılar Teatrı bu dəfə balacaların görüşünə H.K.Andersenin “Qar kraliçası” əsəri əsasında hazırlanmış tamaşa ilə gələcək.

Teatrdan bildirilib ki, əsl bayram və qış ovqatında olan səhnə əsərinin rejissoru Elşad Rəhimzadə, rəssamı Elşən Sərxanoğludur. Musiqi tərtibatı İradə Muradovaya, plastik həll Ceyhun Dadaşova aiddir.

Tamaşada aktyorlar Mehriban Hüseynova, Könül Əbilova, İlqarə Tosova, Anar Seyfullayev, Vahid Orucoğlu, Aygün Fətullayeva, Xəyalə Meydanova, Ceyhun Məmmədov, Bəhram Həsənov, Qəmər Məmmədova, Zemfira Əbdülsəmədova, Dilarə Fərəcullayeva və başqaları rol alıblar.

Səhnə əsərindən əvvəl teatrın foyesində Şaxta baba və Qar qızın iştirakı ilə balacalar üçün Yeni il şənliyi nümayiş olunacaq. Tamaşanın biletlərinə uşaqlar üçün hədiyyələr də daxildir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti