Beynəlxalq Muğam Mərkəzində “Yaradanlar və yaşadanlar” layihəsi davam edir

06 December 2018

Beynəlxalq Muğam Mərkəzində “Yaradanlar və yaşadanlar” layihəsi çərçivəsində keçirilən növbəti tədbir görkəmli tarzən və bəstəkar, Xalq artisti Hacı Xanməmmədovun yaradıcılığına həsr olunub.

Tədbir “Mədəniyyət” kanalının və Beynəlxalq Muğam Mərkəzinin birgə layihəsi çərçivəsində, Mədəniyyət Nazirliyinin dəstəyi ilə keçirilib.

Konsertdə bəstəkarın “Salam verdim bir gözələ”, “Güllü”, “Yaşa könül”, “Aldatmayaq bir-birimizi”, “Gözünə qurban” “Yenə o bağ olaydı”, “Getmə dayan”, “Qurban olduğum” və digər mahnıları Xalq artistləri Teyyub Aslanov, Gülyanaq və Gülyaz Məmmədovalar, Əməkdar artistlər Bəyimxanım Nəbiyeva, Zakir Əliyev, Azərbaycan Televiziyası və Radiosunun solistləri Zabitə Alıyeva, Sərxan Bünyadzadə və Kamilə Nəbiyevanın ifasında səslənib.

İfaçıları Xalq artisti Ağa Cəbrayıl Abasəliyevin bədii rəhbərliyi altında “Səadət” instrumental ansamblı müşayiət edib.



© 2018 Azərbaycan Televiziya və Radio Verilişləri Qapalı Səhmdar Cəmiyyəti