Xalq artisti Tofiq Quliyevin xatirəsinə həsr olunmuş konsert proqramı təqdim ediləcək

29 October 2018

Muzey Mərkəzində unudulmaz bəstəkar, Xalq artisti Tofiq Quliyevin xatirəsinə həsr olunmuş konsert proqramı təqdim ediləcək.

Bəstəkarın doğum günündə - noyabrın 7-də gerçəkləşəcək konsert proqramında Tofiq Quliyevin mahnıları, kino və tamaşalara yazdığı musiqilərdən parçalar səslənəcək. Konsert proqramının tərtibatçısı sənətşünaslıq üzrə fəlsəfə doktoru, dosent Nərgiz Hüseynovadır.

Konsertin solistləri Üzeyir Hacıbəyli adına Bakı Musiqi Akademiyasının doktorantı, tenor Rüfət Piriyev və akademiyanın məzunu, soprano Güllübəyim Məmmədovadır. Konsertmeyster isə Qənirə Həsənovadır.



© 2018 Azərbaycan Televiziya və Radio Verilişləri Qapalı Səhmdar Cəmiyyəti