Kiyevdə Nizami Gəncəvi adına park salınacaq

23 October 2018

Ukraynanın paytaxtı Kiyevdə dünya şöhrətli Azərbaycan şairi və mütəfəkkiri Nizami Gəncəvi adına park salınacaq.

Bu barədə Azərbaycanın Ukraynadakı səfirliyindən məlumat verilib.

Səfirliyin təşəbbüsü ilə Kiyev şəhər Dövlət Administrasiyası paytaxtın mərkəzi ərazilərindən birində Nizami Gəncəvinin adına parkın inşa edilməsi və orada Azərbaycan Mədəniyyət Mərkəzinin tikintisi ilə bağlı müvafiq qərar qəbul edib. Parkda Nizami Gəncəvinin heykəlinin qoyulması da nəzərdə tutulub.

Azərbaycan Mədəniyyət Mərkəzində soydaşlarımızın kütləvi-mədəni tədbirlər keçirmələri üçün hərtərəfli şərait yaradılacaq.

Tikinti işlərinin yaxın aylarda başlanması nəzərdə tutulur.



© 2018 Azərbaycan Televiziya və Radio Verilişləri Qapalı Səhmdar Cəmiyyəti