Edvard Tvohigin “İçərişəhərə qapı” adlı sərgisi keçiriləcək

04 July 2018

6 iyul 2018-ci il tarixində Böyük Britaniya rəssamı, Oymaçı-Rəssamlar London Kral Cəmiyyətinin həqiqi üzvü, Oymaçı-Rəssamlar Cəmiyyəti Şurasının üzvü və çap əsərləri kolleksionerləri klubunun sədri, qrafika – ofort üslubunda yaradan Edvard Tvohigin “İçərişəhərə qapı” adlı sərgisi keçiriləcəkdir. 2017- ci ildə ilk dəfə Bakıda rəssamın “İçərişəhərin 100 görüntüsü ”adlı fərdi sərgisi Azərbaycan Milli İncəsənət Muzeyində sərgilənmişdir.

Rəssamın əsərlərinin özünəməxsusluğu ondan ibarətdir ki, o birbaşa təbiət və ətraf aləmdən ilhamlanaraq estetik, mənəvi və ya musiqi hissi ilə rəsm əsərləri yaradır və 40–dan çox nümunələri “Zəncirli mülk” (Qoşa qala meydanı, Böyük qala küç. 42) sərgi qalereyasında nümayiş olunacaqdır.

Qeyd edək ki, rəssam Edvard Tvohiqin “İçərişəhər” tarixi muzeyinin fonduna hədiyyə olunmuş qədim şəhərin təsvir olunduğu 15 ədəd tətbiqi sənət nümunələri də ziyarətçilərin diqqətinə təqdim olunacaqdır.

Sözügedən sərgi 2 həftə davam edəcəkdir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti