“Məhəmməd: Allahın elçisi” bədii filmi Bakıda təqdim olunacaq

27 June 2018

İyunun 28-də Nizami Kino Mərkəzində tanınmış İran rejissoru Məcid Məcidinin “Məhəmməd: Allahın elçisi” bədii filminin nümayişi olacaq.

Mədəniyyət Nazirliyindən bildirilib ki, dünyanın onlarla ölkəsində böyük maraqla qarşılanan ekran əsəri İran kino tarixinin ən böyük büdcəli filmi hesab edilir.

Qeyd edək ki, İran Mədəniyyət Günləri çərçivəsində nümayiş etdiriləcək filmin təqdimatında rejissor Məcid Məcidi özü də iştirak edəcək.



© 2018 Azərbaycan Televiziya və Radio Verilişləri Qapalı Səhmdar Cəmiyyəti