Azərbaycan Dövlət Akademik Opera və Balet Teatrında “Jizel” baletinin tamaşası keçiriləcək

11 June 2018

İyunun 16-da Azərbaycan Dövlət Akademik Opera və Balet Teatrında Adolf Adanin  “Jizel” baletinin tamaşası keçiriləcək.  

Tamaşada əsas rolları Rusiya Dövlət Akademik Böyük Opera və Balet Teatrının aparıcı solistləri, balet artistlərinin beynəlxalq müsabiqələrinin laureatları Mariya Vinoqradova (Jizel) və Rusiyanın əməkdar artisti Ruslan Skvortsov (qraf Albert) ifa edəcək.  Qeyd edək ki, qraf Albert rolunun ifaçısı D.Soares Braziliya balet məktəbinin yetirməsidir.

Rusiyalı balet ustaları ilə bərabər tamaşada teatrımızın solistləri - Ayan Eyvazova (Mirta) və Timur Oduşev (Hans) iştirak edəcək.

Tamaşanı Azərbaycanın Əməkdar artisti Əyyub Quliyev idarə edəcək.

Opera və Balet Teatrının  Mətbuat Xidməti



© 2018 Azərbaycan Televiziya və Radio Verilişləri Qapalı Səhmdar Cəmiyyəti