Daun Sindromlu Şəxslərin Reabilitasiya Mərkəzində konsert olub

31 May 2018

Bakı Şəhər Mədəniyyət Baş İdarəsinin təşkilatçılığı ilə Daun Sindromlu Şəxslərin Reabilitasiya Mərkəzində 1 iyun - Uşaqların Beynəlxalq Müdafiəsi Gününə həsr olunan konsert keçirilib.

İdarədən bildirilib ki, konsertdə Nizami Rayon İcra Hakimiyyəti başçısının müavini Gülnaz İsrafilova, Yeni Azərbaycan Partiyasının Nizami rayon təşkilatının sədri, Milli Məclisin deputatı Sədaqət Vəliyeva, Bakı şəhər mədəniyyət müəssisələrinin rəhbərləri və başqa qonaqlar iştirak ediblər.

Tanınmış estrada müğənnisi Elnur Məmmədov sevilən mahnılarından ibarət konsert proqramı ilə uşaqlara bol sevinc bəxş edib. Konsertdə, həmçinin “Səma” və “Xan” rəqs qruplarının çıxışları maraqla qarşılanıb, uşaqlarda xoş ovqat yaradıb.

Sonda incəsənət ustalarına diplomlar təqdim olunub.



© 2018 Azərbaycan Televiziya və Radio Verilişləri Qapalı Səhmdar Cəmiyyəti