Xətai Sənət Mərkəzində növbəti sərgi Azərbaycan Xalq Cümhuriyyətinin 100 illiyinə həsr olunub

29 May 2018

Xətai Sənət Mərkəzində “Qızıl ay” rəsm dərnəyi üzvlərinin əl işlərinin nümayiş olunduğu “Azad Azərbaycanım” adlı sərgi açılıb.

Mərkəzdən bildirilib ki, sərgi Azərbaycan Rəssamlar İttifaqı və Xətai Sənət Mərkəzinin təşkilatçılığı ilə “Azərbaycan Xalq Cümhuriyyəti İli” çərçivəsində reallaşıb. Sərginin məqsədi uşaqlarda bədii zövqün formalaşmasını stimullaşdırmaq, yaradıcılıq duyğularını inkişaf etdirmək, əhatə olunmuş mühitə münasibət və doğma elə, Vətənə, onun tarixinə, bu gününə məhəbbət aşılamaqdır.

Sərgidə 40-dan çox məktəblinin əsərləri təqdim olunub. Sonda qaliblər üç nominasiya üzrə mükafatlandırılıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti