Mədəniyyət kanalının, Azərbaycan Radiosunun təşkilatçılığı ilə yeni layihə baş tutdu

01 May 2017

28 aprel 2017-ci il tarixində Azərbaycan Dövlət Filarmoniyasının Kamera ve Orqan Musiqisi zalında Üzeyir Hacıbəyli adına Bakı Musiqi Akademiyasının ifaçılıq fakültəsinin tələbələrinin konserti baş tutub.

 

Son zamanlarda gənclərin təbliğ olunmasi, klassik musiqisevərlərin məhz bu zalda bir araya gəlməsinin artıq tez-tez şahidi oluruq. 

Mədəniyyət kanalının, Azərbaycan Radiosunun və Azərbaycan Dövlət Filarmoniyasının birgə təşkilatçılığı ilə ərsəyə gələn bu layihədə dünya şöhrətli bəstəkarların əsərləri səsləndirildi. 

Shostakovich, Vaqner, Raxmaninov, Popper, Yoaxim kimi bəstəkarların bir-birindən maraqli əsərləri ilə çıxış edən tələbələr tamaşaçılar tərəfindən gurultulu alqışlarla qiymətləndirildi. 

"Kamera Musiqisi Axşami"nin sonunda isə professor Zəhra Quliyevanin bədii rəhbərliyi ilə "Detaşe" ansamblı öz ifasını klassik musiqisevərlərə təqdim etdi. Dünya klassiklərinin ardınca sonda görkəmli bəstəkarımız Qara Qarayev və Musa Mirzəyevin musiqisi səsləndi. 

Tədbirdə iştirak edən tələbələrin 1,2,4-cü kurs tələbələri olmaqlarına baxmayaraq hər birinin ifasını yüksək qiymətləndirmək olar. Yüksək hazırlılıq və məsuliyyətin dərk olunaraq icra olunmasi hər bir iştirakçının ifasindan sonra səslənən alqışlarla bir daha qiymıtləndirilməsi buna əyani sübutdur.



© 2017 Azərbaycan Televiziya və Radio Verilişləri Qapalı Səhmdar Cəmiyyəti