Səhnədə gənc istedadlardır

05 December 2017

Mədəniyyət və Turizm Nazirliyinin təşkilati dəstəyi ilə dekabrın 4-də Müslüm Maqomayev adına Azərbaycan Dövlət Filarmoniyasının kamera və orqan musiqisi zalında “Gənclərə dəstək” layihəsi çərçivəsində “Gənc istedadlar” adlı konsert olub.

Xəbər verilir ki, konsertdə respublika və beynəlxalq müsabiqələrin laureatları, Üzeyir Hacıbəyli adına Bakı Musiqi Akademiyasının, Azərbaycan Milli Konservatoriyasının və Asəf Zeynallı adına Bakı Musiqi Kollecinin tələbələri çıxış ediblər.

Gecədə Azərbaycan və dünya musiqisi klassiklərinin əsərləri səslənib. Tamaşaçılar gənc artistlərin çıxışlarını böyük maraqla qarşılayıblar.



© 2017 Azərbaycan Televiziya və Radio Verilişləri Qapalı Səhmdar Cəmiyyəti