Elza İbrahimovanın bənzərsiz mahnıları səslənib

29 November 2017

Heydər Əliyev Sarayında sevilən mahnıların müəllifi, Xalq Artisti Elza İbrahimovanın mahnılarından ibarət “Nəğmə dolu bir ürəyəm” adlı konsert proqramı təqdim edilib.

Xəbər verilir ki, konsertdə Xalq artistləri Flora Kərimova, Ənvər Sadıqov (qarmon), Əməkdar artistlər İlqar Muradov, Aqşin Abdullayev, Lalə Məmmədova, Sevda Ələkbərzadə, tanınmış ifaçılar Ayaz Qasımov, Nadir Qafarzadə, Fuad Musayev, Zabitə Alıyeva, Samir Piriyev, Rövşən Əziz, Vüsalə Əsgərova, Aynur İsgəndərli, Çinarə Məlikzadə, Sərxan Bünyadzadə, Səbinə Ərəbli, Sevda Yəhyayeva, Kənan Qədimov, Orxan Babazadə, Nicat Cəfərzadə, Ayşən Mehdiyeva, Aytən Məhərrəmova və Şərbət Rzaquliyev iştirak ediblər.

Konsertdə ifaçıları Azərbaycan Televiziyası və Radiosunun Gülarə Əliyeva adına “Dan ulduzu” instrumental ansamblı, Tofiq Əhmədov adına Estrada-Simfonik orkestri və “Qaytağı” ansamblı müşayiət edib.

Gecədə səslənən mahnılar hər bir tamaşaçının qəlbini ovsunlayıb. Tamaşaçı alqışları bir daha Elza İbrahimovun sənətinin heç zaman ölməyəcəyini göstərib.



© 2017 Azərbaycan Televiziya və Radio Verilişləri Qapalı Səhmdar Cəmiyyəti