Alim Qasımov və Fərqanə Qasımova İstanbulda çıxış edib

07 November 2017

Xalq Artisti Alim Qasımov və qızı, Əməkdar Artist Fərqanə Qasımova İstanbulun Baxçaşəhər Mədəniyyət və Sənət Mərkəzində konsert proqramı ilə çıxış ediblər.

Xəbər verilir ki, konsertdə dünyaca məşhur sənətçi qızı ilə birlikdə ifa etdikləri Azərbaycan xalq musiqisi nümunələri, həmçinin “Ay qız”, “Əziz dostum”, “Mən gəlmişəm sizə qonaq”, “Əlimi bıcaq kəsibdir” mahnıları ilə tamaşaçıların könlünü oxşayıblar.

Alim Qasımov İstanbulda və Türkiyənin başqa şəhərlərində daha əvvəllər də konsert verdiklərini söyləyərək yenidən burada olmalarından məmnunluğunu ifadə edib.

1200 nəfərlik salonda baş tutan konsert tamaşaçıların ayaq üstə alqışları ilə sona çatıb.



© 2017 Azərbaycan Televiziya və Radio Verilişləri Qapalı Səhmdar Cəmiyyəti