Haaqada təşkil edilən “Səfirliklər festivalı”nda Azərbaycan da təmsil olunub

09 September 2019

Haaqa şəhərində “Səfirliklər Festivalı” keçirilib.

Ölkəmizin Niderlanddakı Səfirliyindən bildiriblər ki, festivalda ölkəmiz ayrıca pavilyonla təmsil olunub. Pavilyonda Azərbaycan mətbəxinin ən dadlı təamları və içkiləri ziyarətçilərə nümayiş olunub, Azərbaycan musiqiləri səsləndirilib, eləcə də pavilyon vasitəsilə Azərbaycan mədəniyyəti, incəsənəti və turizmi ilə bağlı ətraflı məlumat verilib.

30 minə yaxın şəxsin ziyarət etdiyi festivalda Azərbaycan pavilyonu xüsusi diqqət çəkib. Ziyarətçilər ölkəmizin istehsalı olan məhsullar və Azərbaycan kulinariya incilərinə olan heyranlıqlarını bildirib və mədəniyyətimizlə daha yaxından tanışlıqda maraqlı olduqlarını ifadə ediblər.



© 2018 Azərbaycan Televiziya və Radio Verilişləri Qapalı Səhmdar Cəmiyyəti