Ruha qida verir muğam sədası...

01 August 2019

İyulun 31-də Zaqatala Rayon Mərkəzi Kitabxanası, Rayon Mədəniyyət Evi və Qandax kənd kitabxanasının birgə təşkilatçılığı ilə Dədə-Qorqud Meydanında “Ruha qida verir muğam sədası” adlı ədəbi-bədii gecə keçirilib. Zaqatala rayon Mərkəzi Kitabxanadan bildirilib ki, qurumun direktoru Gülnigar Məmmədova çıxış edərək Azərbaycan muğamı haqqında məlumat verib. Bildirib ki, muğamlarımız xalqımızı dünyada tanıdan, insan ruhunu oxşayan, cilalayan, qəlbləri titrədən bir musiqi növüdür. Tarixi qədim olan muğam sənəti böyük inkişaf yolu keçib, bu sahədə istedadlı sənətkarlar yetişib.

Sonra kitabxananın əməkdaşları Yasəmən Məmmədovanın “Azərbaycan muğamının tarixi”, Səbinə Şabanovanın isə “Muğam Azərbaycan xalqına xas olan ən gözəl xüsusiyyətlərin daşIyıcısıdır” adlı məruzələri dinlənilib.

Tədbir kitabxananın daimi oxucuları tərəfindən muğama həsr olunmuş şeirlərin ifası ilə davam edib.



© 2018 Azərbaycan Televiziya və Radio Verilişləri Qapalı Səhmdar Cəmiyyəti