AzTV-də retro kino avadanlıqların sərgisi təşkil olunub

31 July 2019

Qeyd etdiyimiz kimi bu günlərdə Azərbaycan Respublikası Kinematoqrafçılar İttifaqı 2019-cu ilin “Milli Kino Mükafatı” sahiblərinin adlarını açıqlayıb.

İttifaqın mətbuat xidmətindən bildirilib ki, qurumun ən böyük mükafatı Azərbaycan və sovet kinematoqrafiyasına verdiyi töhfələrə görə xalq artisti, kinodramaturq Ramiz Fətəliyevə verilib.

Həmçinin 75 illik yubileyi və milli kinonun inkişafına verdiyi töhfələrə görə xalq artisti, kinodramaturq Mahmudov Əbduləhəd Əlisa oğlu (Şeyx Əbdül) bu mükafata layiq görülüb.

Mükafatlar 2 avqust - Milli Kino Günündə Nizami Kino Mərkəzində sahiblərinə təqdim olunacaq.

Yeri gəlmişkən qeyd edək ki,  Milli Kino Günü münasibətilə “Azərbaycan Televiziya və Radio Verilişləri” QSC-də də müxtəlif tədbirlər keçirilir. Kino günü münasibətlə televiziyanın foesində retro kino avadanlıqların, müxtəlif səsyazma və montaj qurğularının sərgisi təşkil olunub. Sərgi televiziya əməkdaşlarının və televiziyaya gələn qonaqların marağına səbəb olub.



© 2018 Azərbaycan Televiziya və Radio Verilişləri Qapalı Səhmdar Cəmiyyəti