Vladimir Maşkov böyük ekrana qayıtmaq üçün şərtini açıqlayıb

30 July 2019

Moskvadakı Oleq Tabakov Teatrının bədii rəhbəri Vladimir Maşkov böyük ekrana qayıtmaq üçün şərtini açıqlayıb. O, bunu “Parlamentskaya qazeta”ya müsahibəsində söyləyib.

Onun sözlərinə görə, hazırda məşğul olduğu iş yoluna düşsə, yenidən kinoda çəkilməyə başlayacaq. Lakin dərhal əlavə edib ki, hazırkı fəaliyyəti onun çox xoşuna gəlir.

Maşkov deyib: “Əgər böyük məsuliyyət tələb edən işim öz axarına düşsə, bəlkə, onda kino ilə bağlı planlarım oldu”.

Vladimir Maşkov 2019-cu ilin fevralında vaxt qıtlığı səbəbindən kinodan getdiyini elan edib.



© 2018 Azərbaycan Televiziya və Radio Verilişləri Qapalı Səhmdar Cəmiyyəti