Polşanın turizm portalında Azərbaycan haqqında geniş məqalə dərc olunub

27 June 2019

Polşanın turizm portalı “ttg.com.pl”da (Travel Trends Group) Azərbaycan barədə geniş məqalə dərc olunub.

“Şərqin Qərblə birləşdiyi yer” adlı məqalə “Azərbaycan əsrarəngiz yerdir. Bu qərb perspektivləri olan şərq ölkəsidir. Ölkədə minillər boyunca müxtəlif mədəniyyətlər birləşir, Böyük İpək Yolu ilə hərəkət edən səyyahların xatirələri dolaşır” cümlələri ilə başlayır və ölkəmizin yüksək turizm potensialını əks etdirən maraqlı təsvirlərlə davam edir.

Qədimdən müasir dövrədək uzanan tarixi əks etdirən yazıda qədim və müasir abidələrimiz, tarixi faktlar, keçirilən mədəni tədbirlər barədə məlumat verilir. Həmçinin milli mətbəx nümunələri də misal göstərilir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti