Teleradio Akademiyasının elan etdiyi müsabiqə başa çatıb

22 April 2019

Martın 19-dan aprelin 15-dək qəbulla bağlı Akademiyanın elektron ünvanına 730 nəfər CV göndərib. Onların 530 nəfəri seçim mərhələlərinə dəvət olunub. Müsabiqənin şərtlərinə uyğun gəlməyən 200 nəfər isə müsahibə mərhələsinə buraxılmayıb.

Aprelin 15-də saat 18.00-da sənədlərin qəbulu dayandırılıb.

Aprelin 8-dən 19-dək müsabiqənin ilkin müsahibə mərhələsi keçirilib. Bu mərhələdə aparıcı, müxbir, rejissor, redaktor, operator, montajcı peşələrinə yiyələnmək istəyən namizədlər iştirak ediblər. Akademiyanın rektoru Faiq Hüsiyevin rəhbərlik etdiyi komissiyanın qiymətləndirməsinə gorə, ən yüksək bal alan namizədlər ikinci mərhələyə keçiblər.

Aprelin 22-də isə Akademiyanın müəllimlərinin iştirakı ilə müsabiqənin üçüncü mərhələsi keçirilib. Bu mərhələdən keçən şəxslər aprelin 29-dan etibarən dərslərə başlayacaqlar.

Tədris prosesi 2 ay davam edəcək.



© 2018 Azərbaycan Televiziya və Radio Verilişləri Qapalı Səhmdar Cəmiyyəti