Oş şəhərindəki Qala- konsertdə Azərbaycan ifaçıları da iştirak edib

22 April 2019

“Oş-Türk dünyasının mədəniyyət paytaxtı” tədbirləri çərçivəsində Oş şəhər Milli Dram Teatrında böyük Qala- konsert keçirilib.

Konsertdə TÜRKSOY-un Baş katibi Düsen Kaseinov, Qırğızıstanın mədəniyyət, informasiya və turizm naziri Azamat Jamankulov, “Oş-Türk dünyasının mədəniyyət paytaxtı” tədbirlərinə dəvət olunan nümayəndə heyətləri, türkdilli dövlətlərin rəqs kollektivləri o cümlədən Azərbaycan ifaçıları iştirak edib.

Qonaqları Oş şəhərinin meri Taalaybek Sarıbaşov salamlayıb, qədim Oş şəhərinin Türk dünyasının mədəniyyət paytaxtı elan edilməsi ilə bağlı tədbirlərə qatıldıqları üçün qonaqlara minnətdarlıq edib, türkdilli dövlətlər arasında əməkdaşlığın daha da dərinləşdirilməsi, müxtəlif sahələrdə birgə proqram və layihələrin həyata keçirilməsinin vacibliyindən söhbət açıb.

Mer tədbirlərdə iştirak edən rəqs kollektivlərinə diplomlar da təqdim edib.



© 2018 Azərbaycan Televiziya və Radio Verilişləri Qapalı Səhmdar Cəmiyyəti