“İzlər” adlı rəsm sərgisində 60-dan çox əsər nümayiş olunur

18 April 2019

Cəmiyyəti, maraqlandıran,  narahat edən, düşündürən mövzulara rənglərin vasitəsilə baxan rəssamların öz  fərqli  yanaşması  var.  Rəssamlıq Akademiyasının Muzey-Sərgi Kompleksində türk rəssamların “İzlər” adlı qrup sərgisi  belə düşünməyə əsas verir.

“İzlər” adlı qrup sərgisi Azərbaycan və Türkiyyə arasında mədəni əməkdaşlığı inkişaf etdirmək, ortaq milli dəyərlərimizi təbliğ etmək, onlara sahib çıxmaq, qrafika-janrının  sənətdə yeri və önəminə diqqət cəlb etmək məqsədi daşıyır. Sərgidə nümayiş olunan əsərlər müxtəlif üslub və motivləri əhatə etsə də,  sujet xəttini  insan və cəmiyyətin problemləri təşkil edir.

Ümumilikdə isə sərgidə 19 türk rəssamın müxtəlif janr və texnikalarda işlənmiş 60-dan çox əsəri nümayiş olunur. “İzlər” adlı qrup sərgisi aprelin 21-dək davam edəcək.



© 2018 Azərbaycan Televiziya və Radio Verilişləri Qapalı Səhmdar Cəmiyyəti