Görkəmli bəstəkar Zülfüqar Hacıbəyovun 135 illik yubileyi keçirilib

17 April 2019

Niyazinin Mənzil Muzeyində görkəmli bəstəkar, Əməkdar incəsənət xadimi Zülfüqar Hacıbəyovun 135 illik yubileyi keçirilib.

Şuşada tanınmış ailələrdən olan Hacıbəyovlar qədim Azərbaycan mədəniyyətini, incəsənətini daha da zənginləşdirib. Bu ailə Azərbaycan mədəniyyətinə dahi Üzeyir bəyi, Zülfüqar, Ceyhun, Soltan Hacıbəyovları, Niyazini bağışlayıb. Klassik Azərbaycan musiqisinin banisi Üzeyir Hacıbəyovla yanaşı onun böyük qardaşı Zülfüqar Hacıbəyov da Azərbaycan musiqini, teatrını inkişafına böyük xidmətlər göstərilib. Bu fikirlər bəstəkarın 135 illik yubileyində səsləndi.

Tədbirdə Zülfüqar Hacıbəyovun yaradıcılığından söz açıldı. Qeyd olundu ki, bəstəkar Azərbaycanda ilk operettanın müəllifidir. Hətta oğlu Niyazi ilə də yaradıcılıq birlikləri olub. Belə ki, o, 1935-ci ildə Niyazi ilə birlikdə “Almaz” filminə musiqi yazıb.



© 2018 Azərbaycan Televiziya və Radio Verilişləri Qapalı Səhmdar Cəmiyyəti