Gəncədə “Germanaijan” adlı sərgi keçirilib

17 April 2019

Alman kolonistlərinin Azərbaycanda məskunlaşmasından 200 il keçir. Bu münasibətlə Gəncədə “Germanaijan” adlı sərgi keçirilib. Sərgidə ilk alman kolonistlərinin tarixindən və memarlıq  işlərindən bəhs edilib.

Almaniya - Azərbaycan mədəni əlaqələrinin 200 illik tarixi var. Bu tarixin bir çox maraqlı məqamlarını Gəncədə keçirilən “Germanaijan” adlı sərgidə əyani şəkildə görmək olar. Mədəniyyət nazirliyi ilə Almaniyanın Azərbaycandakı səfirliyinin birgə təşkil etdiyi sərgidə ölkəmizdə yaşayan almanların əzmkarlığı, işgüzarlığı, iqtisadiyyatı, məişəti, mətbəxi və yaradıclığı təqdim olunur. Bununla yanaşı,  sərgidə iki əsr öncə Gəncəbasar  bölgəsində məskunlaşmış almanların yaratdıqı ənənəvi  tarixi  abidələr və müxtəlif mədəniyyət nümünələrindən bəhs edilir. Nümayiş olunan şəxsi əşyalar, foto şəkillər, əl işləri böyük maraqla qarşılanır.

200 il əvvəl Azərbaycan ərazisində xüsüsilə də, Gəncəbasar bölgəsində məskunlaşmış almanların izləri, onların yaratdıqı ənənəvi tarixi abidələr, müxtəlif mədəniyyət nümünələrini  xalqımız bu qünə gədər qoruyub saxlayıb.

Almanların 200 il əvvəl ölkəmizə gəlməsi Azərbaycanda mədəni müxtəliflik baxımından da böyük rol oynadı. Onlar özləri ilə həm də Alman memarlığını gətirdilər. Bəzi abidələrdə  Alman memarlığının izlərini bu gün də görə bilərik.

“Mədəni irsin qorunması proqramı” çərçivəsində həyata keçirilən sərgi Azərbaycanın tarixən tolerant ölkə olduğunu sübut etməklə yanaşı, həm də multikultural dəyərlərə sadiqliyinin göstəricisidir.



© 2018 Azərbaycan Televiziya və Radio Verilişləri Qapalı Səhmdar Cəmiyyəti