London İncəsənət Universitetinin ustad dərsləri davam edir

17 April 2019

Mədəniyyət və İncəsənət Universiteti ilə  London İncəsənət Universiteti arasında tərəfdaşlıq formasını həyata keçirən “Boomerang” layihəsi hazırlanıb. Tələbə mübadiləsi sayəsində gənclər tərəfdaş ölkənin mədəniyyəti ilə yaxından tanış olaraq, öz ilkin ideyalarını layihə şəklində tətbiq etməyi öyrənəcəklər.

London İncəsənət Universitetinin  “Boomerang” layihəsi çərçivəsində keçirilən müsabiqədə qalib gələn 10 tələbə və 2 müəllim artıq Bakıda fəaliyyətə başlayıb. Səfər müddətində onlar yaradıcı təcrübə ilə bağlı mühazirələrdə iştirak edir və ustad dərsləri keçirlər. Lahiyənin məqsədi tələbə və məzunların yaradıcılıq, sahibkarlıq qabiliyyətlərinin inkişafına dəstək olmaq, onların gələcək kariyeralarına təkan verməkdir.

Layihə çərçivəsində debatlar da təşkil olunacaq. Həmin debatlar iştirakçılara öz ölkələrində müxtəliflik və sosial inteqrasiya problemləri sahəsində yaranan çətinliklərə qalib gəlmək üçün birgə yaradıcılıqdan faydalanmağı aşılayacaq.



© 2018 Azərbaycan Televiziya və Radio Verilişləri Qapalı Səhmdar Cəmiyyəti