“Azərbaycan Televiziya və Radio Verilişləri” QSC-nin nəzdində yaradılan Bədii Şuranın üzvləri Gəncə şəhərində səfərdə olub

15 April 2019

Dövlət başçısının tapşırığına əsasən, “Azərbaycan Televiziya və Radio Verilişləri” QSC-nin nəzdində yaradılan Bədii Şuranın üzvləri Gəncə şəhərində səfərdə olub. Məqsəd  tamaşaçıların rəyini yerində öyrənmək, onların irad və təkliflərini dinləməkdir.     

Televiziya  daim inkişaf etməli, günün tələblərinə cavab verməlidir. Tarixi ənənələrə malik Azərbaycan Televiziyası forma  və məzmun baxımından yeni verilişləri tamaşaçılara təqdim edir. Tamaşaçıların rəy və təkliflərini öyrənmək məqsədilə televiziyanın nəzdində yaradılan Bədii Şuranın üzvləri Gəncədə oldu. Tanınmış  mədəniyyət və incəsənət xadimləri, ziyalılar belə görüşlərin keçirilməsinin əhəmiyyətli olduğunu vurğuladılar. 

Görüşdə tamaşaçıların  irad və təklifləri dinlənildi. 

Açıq dialoq şəraitində keçən görüşdə bədii şura üzvlərinin iştirakı ilə konsert proqramı da təşkil edildi. Paytaxta isə Bədii Şuranın növbəti iclası oldu. Azərbaycan Televiziyası və Radiosu, “Mədəniyyət” və “İdman Azərbaycan” kanallarında yayımlanan veriliş və proqramlar müzakirə edildi.  Nümayiş olunan ədəbi-bədii və musiqili verilişlərin, müxtəlif mövzulu proqramların  bədii tərtibatı ilə bağlı fikir mübadiləsi  aparıldı, təkliflər  səsləndirildi.  Yeni layihələrin reallaşmasının vacibliyi vurğulandı.  O da qeyd edildi ki, bölgələrə  səfərlər davamlı  olacaq.



© 2018 Azərbaycan Televiziya və Radio Verilişləri Qapalı Səhmdar Cəmiyyəti