Məşhur “Düşərsən əlimə” cizgi filminin yeni qəhrəmanları təqdim olunacaq

18 İyun, 17:25 Sosial mediada paylaşın:

Məşhur “Düşərsən əlimə” cizgi filminin son buraxılışının yeni qəhrəmanları - qunduz Tim, kirpi Şu və maral Ulya olacaq.

“Soyuzmultfilm”in istehsalı olan bu qəhrəmanların obrazları ilk dəfə olaraq ictimaiyyətə təqdim edilir.

“3d formatında təqdim etdiyimiz yeni tip qəhrəmanları yaradarkən biz çalışırdıq ki, onlar müasir uşaqların zövqüncə olsun və onların valideynlərində etibar hissi yaratsın. Yeni serial 6-8 yaşlı uşaqlar üçün nəzərdə tutulub. Uşaqlar bu yaşda aktiv böyüyür və onlar üçün pozitiv bir nümunə görmək çox vacibdir. Tim, Şu və Ulya aktual görünürlər. Onlar özlərinə əmin, başqalarına qarşı mehriban və hər zaman kömək etməyə hazır olan qəhrəmandırlar. İnanıram ki, tamaşaçılar bu surətləri bəyənəcək. Onlar bizim də çox xoşumuza gəlir”, - deyə “Soyuzmultfilm”in baş prodüseri Yuliya Osetinskaya bildirib.

Studiyanın rəhbəri Yuliyana Slaşevanın sözlərinə görə, yeni seriyanın premyerası yayın sonu və ya payızında təqdim oluna bilər.

CANLI YAYIM