Respublika Günü ilə əlaqədar musiqili təbrik proqramı canlı yayımlanıb

29 May, 14:06 Sosial mediada paylaşın:

"Azerbaijani Ladies" klubunun 28 May - Respublika Günü ilə əlaqədar təşkil etdiyi musiqili təbrik proqramı bu gün Avropa saatı ilə 19:00-da “Avropa Azərbaycanlıları/European Azerbaijanis"ın “Facebook” səhifəsində canlı yayımlanıb.

Proqrama dünyanın 13 ölkəsində yaşayan soydaşlarımız qatılıb. Layihənin məqsədi Respublika Günü ilə əlaqədar olaraq soydaşlarımızı bir araya gətirmək, həmrəylik və vətən sevgisini bir daha nümayış etdirməkdir. Layihənin rəhbəri və ideya müəllifi Alman-Azərbaycan Dostluq Cəmiyyətinin sədri Lalə Məmmədlidir. Yayıma Fransa, Belçika, İsveç, Niderland, Estoniya, Azərbaycan, Oman, Nigeriya, Türkiyə, Almaniya, Kanada, Misir və Böyük Britaniyadan vətəndaşlarımız qatılıb.

CANLI YAYIM