Fevralın 4-dən 9-dək İtaliyanın “Rai 5” kanalında “Great British Railway Journeys” adlı sənədli serial nümayiş olunacaq.
Filmdə Böyük Britaniyanın keçmiş müdafiə naziri, jurnalist Maykl Portilonun Şərqə səfərindən bəhs olunur.
Keçmiş nazirin qatarla Şərqə səyahəti İsraildən başlayaraq Hindistanda yekunlaşır. Bu səyahət içində o Cənubi Qafqazı, konkret desək, Azərbaycanı və Gürcüstanı da ziyarət etmişdi. “Great British Railway Journeys” BBC tərəfindən hazırlanmış 10 seriyalı filmdir və indi onu italyan kanalı yerli dildə efirə hazırlayıb. Filmin italyan versiyası “Növbəti dayanacaq Şərqdir” adı ilə tamaşaçılara təqdim olunacaq.
Səyahət çərçivəsində Batumidən Azərbaycana gələn jurnalist ölkəmizin Neft Daşlarını ziyarət edərək bu barədə ətraflı danışıb.
