“Qətibə İnanc” tamaşası yenidən səhnədə

10 Yanvar, 14:55 Sosial mediada paylaşın:

Azərbaycan Dövlət Akademik Milli Dram Teatrında “Qətibə İnanc” tamaşası yenidən  nümayiş olunacaq.  İkihissəli səhnə əsəri görkəmli Azərbaycan yazıçısı Məmməd Səid Ordubadinin “Qılınc və qələm” romanının motivləri əsasında hazırlanıb.

Yeni  versiyada işlənən səhnə əsərinin quruluşçu rejissoru Xalq artisti Mərahim Fərzəlibəyov, quruluşçu rəssamı Əməkdar mədəniyyət işçisi İlham Elxanoğludur. Görkəmli yazıçı Məmməd Səid Ordubadinin “Qılınc və qələm” romanının motivləri əsasında hazırlanan “Qətibə İnanc”  tamaşası Gəncə hakimi Əmir İnancın qızı Qətibə İnancın Şeyx Nizamiyə olan cavabsız məhəbbətinə həsr olunub. Şeyx tərəfindən məhəbbəti rədd ediləndən sonra Qətibə İnancda hamıya qarşı nifrət yaranır.  Səhnə əsərində Xalq artistləri Bəsti Cəfərova və  Sabir Məmmədov, Əməkdar artist Kazım Abdullayev, aktyorlar Rüstəm Rüstəmov, İlyas Əhmədov, Şəhla İsmayılova, Fidan Cəfərova və başqaları iştirak edəcək.  Tamaşa yanvarın 18-də Azərbaycan Dövlət Akademik Milli Dram Teatrında nümayiş olunacaq.

CANLI YAYIM