Azərbaycanda ilk dəfə keçirilən, Azərbaycan Televiziyası "Mədəniyyət" telekanalının yeni layihəsi olan Azərbaycan Vokalçıları Festivalının təntənəli bağlanış mərasimi keçirilib.

Heydər Əliyev Mərkəzində baş tutan gecədə bir-birindən gözəl klassik ariyalar səslənib. Konsertdə Azərbaycan Dövlət Akademik Opera və Balet Teatrının truppası əməkdar artist Əyyub Quliyevin dirijorluğu ilə bir daha öz peşəkarlığını klassik musiqisevərlərə nümayiş etdirib. Bağlanış mərasimində festivalın ideya müəllifi, bədii rəhbəri Ramil Qasımov da çıxış edərək vurğulayıb ki, dövlətin dəstəyi olmasaydı bu cür möhtəşəm layihələrin reallaşması qeyri-mümkün olardı. O, dövlət rəhbərinə, çalışdığı Azərbaycan Televiziyasına və festivalın bütün iştirakçılarına təşəkkürünü bidirib, yaradıcı və texniki heyətə uğurlar arzulayıb. "Yaşasın Azərbaycanımız" şüarından sonra bütün iştirakçıların ifasında "Azərbaycan" mahnısı səslənib.

Tamaşaçılar ayağa qalxaraq vokalçıları alqışlayıblar.

Fotolar Rüstəm İsmayılovundur