“The Hollywood Reporter” jurnalının kinotənqidçisi Tod Makkarti rusliyalı rejissor Andrey Zvaqintsevin çəkdiyi “Leviafan” filmini son on ilin ən yaxşı filmləri siyahısına salıb. Kinotənqitçi birinci yeri “Karlos” (2010) serialına verib.

T.Makkarti yazır: “A.Zvaqintsevin möhtəşəm alleqoriyası son zamanlar qərbdə görünməyən bir sənət əsəridir. Filmdəki ustalıq, cəsurluq və güc insanın qəlbinə toxunur”.

Siyahıda ikinci yeri “Sosial şəbəkə” (The Social Network, 2010), üçüncü yeri isə “Lyui Devisin daxili aləmi” (Inside Llewyn Davis. 2012) filmləri tutur. Digər yerlərdə müvafiq olaraq “Only Lovers Left Alive” (2014), “Agassi” (2016), “Once Upon a Time in Hollywood” (2019), “Brooklyn” (2015), “Mad Max: Fury Road” (2015) və “The Gatekeepers” (2012) filmləri qərarlaşır.