Nar festivalları Azərbaycanda insanların səbirsizliklə gözlədiyi payız bayramıdır. Artıq üçüncü ildir ki, Rusiyanın Sankt-Peterburq şəhərinin sakinlərinə də yetişmiş narın dadına baxmaq imkanı ilə yanaşı, Azərbaycan bayramının həqiqi ab-havasını hiss etmək imkanı verilir.

Bu günlərdə Rusiyanın şimal paytaxtında üçüncü ənənəvi Nar festivalı keçirilib. Sakinlər və şəhərin qonaqları Azərbaycan mədəniyyəti ilə tanış olub, bu bayramın təşkili tarixini öyrəniblər. Həmçinin arzu edənlərə ləziz Azərbaycan plovu, sulu nar və nar şirəsi təqdim olunub.

Tamaşaçılar konsert proqramına baxdıqdan sonra hər kəsin zövqünə görə məşğuliyyət tapa biləcəyi ustad dərsləri zonasına keçiblər. Burada arzulayan hər kəs öz əli ilə qutab hazırlaya, ənənəvi şəkərburanı naxışlarla bəzəyə bilib. Ustad dərsləri zonasında uşaqlar üçün akvaqrim çəkilib, böyüklərin əllərinə isə xına ilə məhəndi işlənib.

Tədbirdə iştirakçılar arasında Azərbaycan nemətləri olan 3 səbət də oynanılıb.

Nar festivalının təşkilatçıları qismində Sankt-Peterburq Azərbaycan Milli-Mədəni Muxtariyyəti və onun nəzdində fəaliyyət göstərən Azərbaycanlı Gənclər Təşkilatı çıxış ediblər.