Dieqo və Fridanın fotoları Bakıda: metro stansiyalarında nümayiş olunur

8 Noyabr, 16:51 Sosial mediada paylaşın:

Bakıda ilk dəfə XX əsrin fenomen cütlüyü, Meksikada incəsənət tarixinin parlaq şəxsiyyətlərindən olan Dieqo Rivera və Frida Kalonun sərgisi açılıb. “Dieqo və Frida. Yolun yarısında bir təbəssüm” adlı sərgi daha çox sərnişin sıxlığı müşahidə olunan yerlərdə təşkil edilir.

AZTV.AZ xəbər verir ki, sərgi Bakıda Meksika həftəsi çərçivəsində təşkil edilib. Bu cür sərgilərin keçirilməsi iki ölkə arasındakı mədəni əlaqələrin inkişafına da müsbət təsir göstərir. 

Sərgi “Gənclik” metrostansiyasının keçidində təşkil olunub. Ekspozisiyanın “Nəriman Nərimanov” stansiyasında da açılması nəzərdə tutulub. Sərgidə nümayiş olunan fotoları Dieqo və Frida cütlüyünün ailə üzvləri və dostları tərəfindən toplanıb. Burada onların həyat tərzləri, gündəlik fəaliyyətlərini əks etdirən əsərlər də yer alıb.

“Yolun yarısında bir təbəssüm” adlı sərgi isə 6 ay davam edəcək.

Nuray Mustafa