Ölkə başçısının müvafiq Sərəncamına əsasən dahi Azərbaycan şairi İmadəddin Nəsiminin 650 illik yubileyinə həsr olunmuş tədbirlər silsiləsi davam etməkdədir.

Azərbaycanın Belçikadakı səfirliyinin təşkilatçılığı ilə Brüsseldə BOZAR mədəniyyət mərkəzində keçirilən “12-ci Sufi gecəsi”ndə İmadəddin Nəsiminin əsərləri də nümayiş olunub.

Sərgidə dahi Azərbaycan şairi İmadəddin Nəsiminin Heydər Əliyev Fondu tərəfindən ingilis dilinə tərcümə edilərək çap olunmuş əsərləri, həyat və yaradıcılığına dair səfirliyin hazırladığı fransız dilində broşürləri sərgilənib. İştirakçılara dahi şair İmadəddin Nəsimi haqqında məlumat verilib.

Sərgi tamaşaçılar tərəfindən maraqla qarşılanıb.