Amsterdam muzeyində 17-ci əsrin görkəmli Niderland rəssamı Rembrandt Van Reynin “Gecə gözətçisi” əsəri yenidən bərpa olunacaq. Sonuncu dəfə tablonun restavrasiya işləri 2019-cu ildə ictimaiyyət üçün açıq aparılıb.
Məşhur rəssam Rembrandtın “Gecə gözətçisi” rəsmi Niderland təsviri sənətinin şah əsəri hesab olunur. Tabloda həyəcan siqnalı ilə doğma şəhərin müdafiəsinə qalxmış, amma dağınıq vəziyyətdə dayanmış döyüşçülər dəstəsi təsvir olunub. Fırça ustasının 1642-ci ildə kətana köçürdüyü əsərin muzeydəki yeri dəyişdirilib. Səbəb isə....
Bir il ərzində peşəkar fotoqraflar müxtəlif rəng çalarları, kiçik detallarla zəngin olan bu tablonun şəklini çəkiblər. Nəticədə, indiyə qədər çəkilmiş ən böyük və ən detallı kadr ərsəyə gəlib.
Niderland təsviri sənəti "qızıl dövrü"nün ən böyük rəsm əsərinin əvvəllər hündürlüyü 4, eni isə 4,5 metr idi. Lakin 1715-ci ildə “Gecə gözətçisi” tablosunun Amsterdam meriyasının interyerinə uyğunlaşdırmaq məqsədilə bir hissəsi kəsilərək kiçildilib.
