“YARAT”da “Özünü kəşf et” adlı ustad dərsləri keçirilib

23 Oktyabr, 11:51 Sosial mediada paylaşın:

“YARAT” Müasir İncəsənət Mərkəzində böyüklər üçün “Danışır Bakı: 1900-1940-cı illər” sərgisi çərçivəsində “Özünü kəşf et” adlı ustad dərsləri keçirilib.

“YARAT”dan AZƏRTAC-a bildirilib ki, “Özünü kəşf et”– yaradıcılıq ab-havası ilə dolu, yeni rəngarəng layihədir. Ustad dərsləri zamanı iştirakçılar gündəlik həyat işlərini kənara qoyub, özlərini tamamilə yaradıcılığa həsr edə biliblər.

Dost və ailə mühitində yaradıcılıq vasitəsilə hisslərini bölüşmək istəyənlər üçün ideal bir fürsət olan ustad dərsləri hər çərşənbə saat 19:00-dan 21:00-dək keçirilir. Dərslər zamanı iştirakçılar bütün ləvazimatlarla təmin olunur.