“Mədəniyyət” kanalında “Bildiyimiz kimi deyil” adlı yeni layihəyə start verilir.

Layihənin məqsədi cəmiyyətdə baş verənləri, sosial-psixoloji məsələləri, müxtəlif sahələrdəki eksperimentləri olduğu kimi təqdim etməkdir. Jurnalist araşdırmasına əsaslanan verilişin hər buraxılışı müxtəlif mövzuları əhatə edəcək. Yaranan suallara ekspertlər tərəfindən aydınlıq gətiriləcək.
Müəllif proqramları və xüsusi layihələr baş redaksiyasında hazırlanan verilişin rejissoru Sevda Məmmədova, müəllifi və aparıcısı Səbinə Bayramova, redaktoru Gülşən Məlikova, quruluşçu operatoru Aqşin Rzayev, operatoru Rza Fəttahovdur.
Verilişin layihə rəhbəri Zaur Zeynaldır.
“Bildiyimiz kimi deyil” ayda iki dəfə cümə axşamları saat 20:30-da Mədəniyyət TV-də yayımlanacaq.