Ramil Qasımov: Fəxr edirəm ki, Dövlət Akademik Opera və Balet teatrının solistiyəm

30 Noyabr, 17:43 Sosial mediada paylaşın:

Noyabrın 27-də Azərbaycan Dövlət Akademik Opera və Balet Teatrında dahi bəstəkar Üzeyir Hacıbəylinin "Koroğlu" operasının tamaşası keçiriləcək. Opera tamaşasında teatrın aparıcı solistləri Xalq artisti Əkrəm Poladov (Əli), Əməkdar artistlər Ramil Qasımov (Koroğlu), Ilahə Əfəndiyeva (Nigar), Cahangir Qurbanov (Həsənxan), Əliəhməd Ibrahimov (Təlxək) və başqaları iştirak edəcəklər.

"Koroğlu" operasının quruluşçu rejissoru Əməkdar incəsənət xadimi Hafiz Quliyev, xormeysteri Əməkdar incəsənət xadimi Sevil Hacıyevadır. Tamaşanı Opera və Balet Teatrının baş dirijoru, Əməkdar artist, dirijorların beynəlxalq müsabiqələrinin laureatı Əyyub Quliyev idarə edəcək.

"Azərbaycan Dövlət Akademik Opera və Balet teatrı Azərbaycanımızın zəngin  mədəniyyət və incəsənətində tarixi köklərə malikdir. Teatırımızın tarixi ənənələrinə nəzər yetirsək bir çox görkəmli klassik ifaçıların burada çalışdığını görərik. Bu gün məndə fəxr edirəm ki, teatrımızın zaman keçdikcə zənginləşən repertuarına daxil olan "Vaqif" operasında Vaqif, "Koroğlu" operasında Koroğlu, "Arşın mal alan" operasında Əsgəri, "O olmasın, bu olsun" operasında Sərvər və 15 yanvar 2022 -ci ildə keçiriləcək "Traviata" operasında Alfredo obrazlarını canlandırıram. 

İctimai fəaliyyətim ilə yanaşı yaradıcılıq fəaliyyətimi də günü-gündən genişləndirir və üzərimdə çalışaraq inkişaf etdirirəm. Hər zaman səhnəyə çıxanda tamaşaçıların etimadını doğrultmaq ən böyük məsuliyyətdir. Böyük rəğbət duyduğum teatırımızın geniş və peşakar yaradıcı kollektivi, dirijorları ilə bir səhnəni bölüşmək mənə qürur və fəxr yaşadır, bir sözlə böyük zövq verir. Teatr öz Akademik səviyyəsi ilə daim seçilir. 

Həmçinin fəxrlə qeyd etmək istəyirəm ki, zamanında dahi Bülbülün, Lütfiyar İmanovon çıxış etdikləri, "Koroğlu" operasından Koroğlu obrazını 27 noyabr tarixində teatrımızın səhnəsindən tamaşaçılarımıza yenidən təqdim edəcəm. Bir daha fürsətdən istifadə edib, kollektivimizin hər bir üzvünə tamaşalarda uğurlar arzu edirəm", - Əməkdar artist Ramil Qasımov söyləyib.

 

Fotolar Rüstəm İsmayılovundur

CANLI YAYIM