Bakıda keçirlən sərgidə 100-ə yaxın yazıçının yeni əsərləri ilk dəfə oxuculara təqdim olunub.

Texnika və müasir texnologiyanın oxucu kütləsinə təsiri olsa da, kitablar hər zaman mədəniyyətin inkişafında böyük rol oynayıb. Ölkəmizdə də artan nəşriyyatlar, kitab evləri ilə yanaşı, mütaliəyə olan maraq da qalmaqdadır.

Mütaliyə mədəniyyətinin inkişaf etdirilməsi üçün nəşriyyat fəaliyyətinin müasir tələblərə uyğunlaşdırılması mütləqdir. Keçirilən VII Bakı Beynəlxalq Kitab Sərgisi də bunun ən böyük örnəklərindəndir. Yarmarkada  iştirakçılar 5 gün boyunca çap məhsullarını nümayiş etdirmək, satmaq, yerli və xarici nəşriyyatlar və milli nəşriyyat-poliqrafiya müəssisələri ilə danışıqlar aparmaq imkanı qazanıblar.

Gün ərzində sərgiyə ümumilikdə 25 minə qədər ziyarətçi axını olmuşdur. Sərgidə bütün yaş kateqoriyalarını özündə birləşdirən ziyarətçilər var idi.

Nizami Gəncəvinin 880 illik yubileyinə həsr olunan sərgi həmçinin, 200-dən çox müxtəlif formatlı tədbirlər - Nağıl gecələri, İmza günləri, ədəbiyyat müsabiqələri ilə yadda qalıb.

Sərgidə Nizami Gəncəvinin əsərlərinin motivləri əsasında Abdulla Şaiq adına Azərbaycan Dövlət Kukla Teatrının aktytorlarının ifasında tamaşa nümayiş olunmuşdur.

Sərgidə həmçinin, Nizami Gəncəviyə həsr olunan yeni işıq üzü görmüş 47-dək kitab ilk dəfə təqdim olunub.

VİDEO: Qeyd edək ki, oxucuların sevinclə qarşıladığı, 2 ildən bir keçirilən Beynəlxalq Kitab Sərgisi artıq bu ildən başlayaraq hər il təşkil olunacaq.

Nəzrin Əzizli