“Nargin saralmış kədər”... Minlərlə türk əsgərinin, Nargin adasındakı sirli qalan əsir həyatını əməkdar jurnalist, “Jurnalist Araşdırması” verilişinin müəllifi Yunis Orucov təsvir edib. Tarixi roman janrında yazılan kitabın təqdimat mərasimi keçirilib.

“Nargin Saralmış kədər” kitabı 1-ci Dünya Müharibəsi zamanı Bakının Nargin adasında əsir saxlanılan türk hərbçilərinin taleyindən və Azərbaycan xalqının onların xilası yolunda göstərdiyi fədakarlıqdan bəhs edir. Kitabın təqdimat mərasimində əsir düşərgəsində baş verənlərlə bağlı videoçarx da nümayiş olundu.

Nəşr əməkdar jurnalist Füruzə Nadirin redaktorluğu, Milli İrsi Mədəni Tarixi Araşdırmalar Fondunun dəstəyi ilə işıq üzü görüb. Kitabın Türkiyədə də nəşri nəzərdə tutulub.

Kitabın təqdimat mərasimində iştirak edən qonaqlar  tarixi romanın əhəmiyyətindən bəhs edərək, faktların  Azərbaycan Türkiyə dostluğunun öyrənilməsində vacibliyini vurğuladılar.

Tədbirin sonunda müəllifin imza mərasimi keçirildi. İlk kitabı işıq üzü görən Yunis Orucova uğurlar arzusu ilə...

Gülnaz Hacıyeva