XVI Bakı Caz Festivalı davam edir

14 Sentyabr, 11:34 Sosial mediada paylaşın:

XVI Bakı Caz Festivalı davam edir. Əməkdar artistlər Rain Sultanov, Şahin Növrəsli, İsfar Sarabski, musiqiçilər Nicat Aslanov və onun trio qrupu, türkiyəli caz ifaçısı Sinem İslamoğlu sevilən kompozisiyalarını təqdim ediblər.

Festivalın ikinci günündə Əməkdar artist, saksafon ifaçısı Rain Sultanov ölkəmizin dilbər guşələrinə ithaf elədiyi “Azərbaycanın yeddi səsi” adlı təqdim etdi. Əməkdar artist Şahin Növrəslinin müşayiəti kompozisiyalara xüsusi rəng qatdı.

Konsertin ikinci hissəsində səhnə türkiyəli sənətçilərin ixtiyarında oldu. Caz ifaçısı Sinem İslamoğlu musiqiçi Fatih Çağlayanın rəhbərlik elədiyi “Fetiblue band” qrupu ilə soul, bluz və müxtəlif janrlarda mahnıları təqdim etdi.

Festivalın 3-cü günü gənc musiqiçi, Üzeyir Hacıbəyli adına Bakı Musiqi Akademiyasının fortepiano fakültəsinin məzunu, bir çox beynəlxalq caz festivallarının iştirakçısı Nicat Aslanov, rəhbərlik elədiyi trio ilə dinləyicilərinə unudulmaz caz saatı yaşatdı.

Bakı Caz Festivalında azərbaycanlı rəssamlar – Bəhram Xəlilov, Hüseyn Haqverdiyev və Ramina Səadətxan caz ustalarının konserti zamanı rəsm əsərləri yaratdılar.

“Çox maraqlı, səhnədə Azərbaycanda caz festivalının keçirilməyi, ümumiyyətlə, caz musiqisi nə istəyər, belə festivallar daha da çox olmağını. Biz də gələk iştirak edək. Çox maraqlı təəssüratlarım var. Həyəcan məsuliyyətə, məsuliyyət əyləncəyə, əyləncə düşüncəyə və s.”

Pianoçu, bəstəkar, 2009-cu ildə Montrö Caz Festivalının qalibi, Əməkdar artist İsfar Sarabski ecazkar ifası ilə dinləyicilərini növbəti dəfə heyran etdi. İki hissəli konsertdə gənc ifaçısı bəstələri ilə yanaşı populyar caz musiqi nömrələri də səsləndirdi.

Qeyd edək ki, XVI Bakı Caz Festivalı sentyabrın 18-nə kimi davam edəcək.

 

Ülviyyə Heydərova

CANLI YAYIM