“Tarix yazan qəhrəmanlar” adlı onlayn tədbir keçirilib

16 İyul, 12:20 Sosial mediada paylaşın:

F.Köçərli adına Respublika Uşaq Kitabxanası, Nəsimi rayon Gənclər və İdman idarəsi, Azərbaycan İstiqlal Muzeyinin təşəbbüsü və birgə təşkilatçılığı ilə Tovuz döyüşlərinin ildönümünə həsr olunmuş “Tarix yazan qəhrəmanlar” adlı onlayn tədbir keçirilib.

Tədbirdə milli ordunun zabitləri, gizir, əsgər anaları və müddətdən artıq həqiqi hərbi xidmət edən hərbi qulluqçular iştirak ediblər.

F.Köçərli adına Respublika Uşaq Kitabxanasının direktoru Şəhla Qəmbərova, Nəsimi rayon Gənclər və İdman İdarəsinin rəisi Şahmar Tağıyev Tovuz döyüşləri ilə bağlı öz fikirlərini bölüşüblər.

Tovuz döyüşləri ərəfəsində mərmi partlayışı zamanı həlak olan mülki vətəndaş Tovuz rayonu Ağdam kənd sakini Əziz Əzizovun qızı Zərnişan Əzizova və Tovuz döyüşləri şahidi Vüqar Quluyev bildiriblər ki, Tovuz döyüşləri xalqın qəlbində olan vətənpərvərlik hissinin, Vətənə, torpağa olan sevgisinin yenidən dirçəlməsinə səbəb olub və bizim böyük zəfərə olan yolumuzu aydınladıb.

CANLI YAYIM