Cahangir Cahangirova həsr olunan “Qəlbləri fəth edən bəstəkar” adlı videoçarx hazırlanıb

21 İyun, 17:42 Sosial mediada paylaşın:

Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin 8 nömrəli filialı görkəmli bəstəkar Cahangir Cahangirovun doğum günü ilə əlaqədar “Qəlbləri fəth edən bəstəkar” adlı videoçarx hazırlayıb.

İdarədən bildirilib ki, videoçarx kitabxananın sosial hesablarında izləyicilərə təqdim edilib.

Videoçarxda qeyd edilir ki, Cahangir Cahangirovun yaradıcılığı öz çoxşaxəliyi ilə seçilir. Bəstəkarın xor və instrumental musiqiləri, operaları, bir-birindən gözəl mahnıları var. Bəstəkarın xor musiqisi sahəsində maraqlı əsərlərindən “Arazın o tayında” poemasını, 12 hissədən ibarət “Dostluq mahnısı” kompozisiyasını, “Azad” və “Xanəndənin taleyi” operalarının xor nömrələrini, “Füzuli”, “Nəsimi”, “Aşıq Alı” kantatalarını, “Sabir” oratoriyasını və onlarca xor miniatürlərini göstərmək olar. Sadalanan əsərlərdən, xüsusilə “Füzuli” kantatası Cahangir Cahangirova böyük şöhrət gətirib. O, kantatada böyük şairin möhtəşəm obrazını, onun daxili aləmini özünəməxsus təsirli və qəlboxşayan musiqi dili ilə aça bilib.

CANLI YAYIM