Məşhur anaonim rəssam Benksi yeni rəsm əsərini bu dəfə həbsxana divarında çəkib. Bir ucu yazı makinasına bərkidilmiş parçaların köməyi ilə məhbəsdən qaçmağa çalışan məhkumun təsvir edildiyi rəsm görənləri heyrətə salıb.

Kimliyi hələ də pərəstişkarlarına məlum olmayan sənətkar bu əsərini binanın sökülməsinə etiraz məqsədilə çəkib. Belə ki, Benksi həbsxananın incəsənət evinə çevrilməsi üçün illərdir təşkil edilən kampaniyaların ən böyük dəstəkçisi olub. Qeyd edək ki, 19-cu əsrdə həbsxananın ən məşhur məhbusu görkəmli irland şairi və yazıçısı Oskar Uayld 1895-ci ildə ittiham olunandan sonra 2 il burada saxlanılıb.