Hollivud ulduzları Culiya Roberts və Corc Kluni yenidən çəkiliş meydançasında görüşəcəklər. Onlar bu dəfə “Cənnətə bilet” alacaqlar. Romantik komediyanı “Mamma Mia 2” myuzklın yaradıcısı Ol Parker ərsəyə gətirəcək. Ekran əsəri Universal Pictures və Working Title Films-in birgə istehsalı olacaq.

Romantik komediyada Culiya Roberts və Corc Kluni ayrılmış cütlük obrazında çıxış edəcəklər. Hadisələr Bali adasında baş verir. Filmin prodüserləri Tİm Bevan, Erik Fellnerdir.

Culiya Roberts və Corc Kluni rejissor Stiven Sodenverqin “Ouşenin dostları” filmində, həmçinin Cudi Fosterin “Maliyyə bədbeybəti” trillerində bir yerdə çəkiliblər.

Ülviyyə Heydərova