"Sabah" Yaradıcılıq Studiyasının yeni filmi

23 Fevral, 16:29 Sosial mediada paylaşın:

Azərbaycan Televiziyasının "Sabah" Yaradıcılıq Studiyası  dramaturq Əbdürrəhim bəy Haqverdiyevin “Millətlər Dostluğu”  əsərinin  motivləri əsasında komediya janrında yeni film çəkilişlərinin təlimlərinə başlayıb.

Rеalist ədəbiyyatımızın görkəmli dramaturqu, ictimai xadim və maarifçi klassiki Əbdürrəhim bəy Haqverdiyevin səhnələşdirilən əsərləri tamaşaçılar tərəfindən həmişə böyük maraq və rəğbətlə qarşılanıb. Sənətkarın 1911-ci ildə qələmə aldığı “Ac Həriflər” komediyasının ekran versiyası elə indi də uşaqdan böyüyə hər kəsin sevimli teletamaşasıdır. Teletamaşanın rejissoru Ramiz Həsənoğlu və  yaradıcı heyət bu dəfə dramaturqun “Millət dоstları” satirik pyesini televizya ekranı üçün hazılamağa çalışırlar.... 

Əsərdəki müxtəlif obrazlar xalq adından, millət adından ağızları köpüklənə-köpüklənə danışır, canıyananlıq еdir, özlərini “qеyrətli müsəlman”, “millət qayğıkeşi” kimi göstərirlər. Kiçikhəcmli satirik pyеsdə ədib, özünü “millət dоstları” adlandıran burjua ziyalılarının ikiüzlülüyünü, sözləri ilə əməlləri arasındakı ziddiyyəti tənqid atəşinə tutur. 

Komediya janrlı filmin çəkilişlərinə aprel ayından etibarən başlanılacaq.

 

David Nuraşvili

CANLI YAYIM