Bütün Avropada olduğu kimi Fransada da teatrlar öz fəliyyətini dayandırıb. Lakin festival çərçivəsində mədəniyyət ocaqlarının yaradıcı heyətləri beynəlxalq sirk bienalisinə hazırlaşır.

Belə ki, növbəti həftə ərzində Marseldə Fransanın məşhur teatrlarının sirk truppaları yeni proqramla çıxış edəcəklər. Lakin pandemiya ilə əlaqədar festival tamaşaçısız təşkil olunacaq. Bienalidə iştirak edən aktyorlar yeni repertuarla bu çətin dövrdə incəsənətin gücünə arxalanaraq həyatın yenidən əvvəlki axarına qayıdacağına ümid bəsləyirlər.